15. O-vortecaj kaj A-vortecaj vortetoj

O-vortecaj vortetoj (aŭ O-ecaj vortetoj) rolas en frazo kvazaŭ ili estus O-vortoj. Kelkaj el ili similas al personaj pronomoj, ĉar ili anstataŭas ne nur O-vortojn, sed tutajn O-vortajn frazpartojn. Oni povas nomi ilin pronomecaj vortetoj.

A-vortecaj vortetoj (aŭ A-ecaj vortetoj) rolas same kiel A-vortoj.

O-vorteca kaj A-vorteca frazroloj tamen ofte intermiksiĝas.

• La tabelvortoj je U estas pronomecaj kaj A-vortecaj.
• La tabelvortoj je O estas O-vortecaj kaj pronomecaj.
• La tabelvortoj je A estas ĉefe A-vortecaj, sed iafoje pronomecaj.
• La tabelvortoj je ES estas A-vortecaj.

• La estas A-vorteca.
• Ambaŭ estas pronomeca kaj A-vorteca.
• La liternomoj estas O-vortecaj.

O-vortecaj estas ankaŭ la personaj pronomoj. A-vortecaj kaj O-vortecaj estas la nombraj vortetoj.