La unua tradukaĵo estis jene:

Naŭdek naŭ ujoj da malmedicin’
restas ĉi tie. Jen vin’!
Drinku ĝin!
Staru je klin’!
Tiel ebrien, (ho) ek al la fin’!

Ĉar medicino evidente estas scienco anstataŭ substanco, li proponis novan version jenan:

Naŭdek naŭ ujoj da medikament’
restos dum plia moment’.
Kun kontent’,
tute sen pent’,
tostu ni pere de bona ferment’.*

Kara redaktanto,

Imagu ke vi forlasas ĉiujn kiujn vi iam konis kaj amis vian tutan vivon por vojaĝi miloj da mejloj en mortdanĝera vojaĝo nur por manĝigi vin kaj viajn amatajn familianojn…

Sekve, imagu ke ne eblas vidi ilin dum jaroj ĉar vi atendas kaj esperas ke la nunaj leĝoj estu ŝanĝitaj… (ĉu tio iam okazos?)

Imagu ke vi maltrafas la fierigajn atingojn de viaj gefiloj kaj ke ili kreskas kaj adoltiĝas… kaj ke ili apenaŭ konas vin krom la maloftaj telefonvokoj kaj la kvitancoj de monsumoj deponitaj, ĉar estas tiom multekoste telefonvoki al triamondaj landoj. Imagu ke vi ne povas sendi aferojn perpoŝte ĉar la poŝtaj servoj de tiuj landoj esta tiom nefidindaj.

Imagu familiajn tragediojn, malsanojn, kaj funebrajn ceremoniojn en via denask-lando kiujn vi ne povas ĉeesti.

Imagu ke vi enamiĝas kun civitano kaj ke vi ĉiam devas kaŝi vin en ombroj zorgante pri la tago kiam vi iras al via laboro kaj ne plu vidos vian partneron ĉar vi estas kaptita dum labor-atako aŭ eĉ post eta interaŭta frapo kaj via partnero neniam estas sciigita pri kio okazis al vi aŭ kien vi estis veturigita.

Imagu ke vi estas viktimo de iu krimo kaj vi hezitas raporti ĝin ĉar vi timas ke vi estos enprizonigata dum monatoj aŭ jaroj kaj fine deportita.

Imagu ke vi ne rajtas lui apartamenton, havi kreditkartojn aŭ bank-konton, aĉeti viv-asekurecon ĉar via esto estas malpermesata.

Imagu ke vi ne rajtas aŭti laboren aŭ veturigi viajn infanojn al ilia lernejo ĉar oni ne permesas al vi havi ŝofor-permesilon.

Imagu ke vi estas perforte apartigita de viaj infanoj antaŭ iliaj okuloj nur ĉar ili naskiĝis en via loĝlando sed ne vi.

Mi sentis min subpremita.  Pro la griza ĉielo mi certis ke mi malsukcesos, fuŝos ĉion.  Marŝigite al la manĝejo de mia stomako, mi maĉis magran manĝon sengustume, silente, zorgante pri ontaj ebloj, dronante en pensoj.  La menso estis plenplena de nebulo.

Subite miaj okuloj pli larĝe malfermiĝis, la koro bategis en mia brusto.  Venis ideo, brila ideo!  Mi ekstaris haste, faligante la seĝon kun laŭta bruo.  La aliaj manĝantoj rigardis min suspekte dum mi kuris trans la halon.  Tie mi elektis frukton, verdan, plej grandan.  Kun figaja rideto mi kaŝis ĝin en mia sako, kaj paradis al la klaso.  

Mi alvenis iom malfrue, sed la instruisto ankoraŭ ne venis.  Mi eltiris mian trezoron kaj metis ĝin sur la tablon de la instruisto.  La aliaj studentoj grumblis mire, malkontente.  Mi eksidis kaj atendis senpacience.  Preskaŭ tuj la moŝto eniris.  La studentaro eksilentis.

La gramatikisto metis sian verkon sur la tablon apud mia donaco.  Li klinis sian kapon kaj rigardis ĝin pro konfuzo.

“Kies?” li postulis.

Mi levis la manon fiere.  ”La via, moŝto.  Jen pomego por vi.”

Mi estis memkontenta pro mia spriteco.  Sed la aŭtoro de la PoMEGo malridetis.  Mia vizaĝo ekgriziĝis dum li parolis per malaproba voĉo jene: 

“Mi havas alergion kontraŭ pomoj.”

La urbo San Diego, en sunoplena sud-Kalifornio bonvenigis la ĉijarajn partoprenantojn de NASK, la Nord-Amerika Somera Kursaro! San Diego estas la dua plej granda urbo en Kalifornio.

NASK estas monde konata kaj respektata intensiva kursaro de Esperanto, kiu post multaj jaroj en la urbo San-francisko translokiĝis al la urbo San Diego.

Ĉe NASK oni povas studi en kursoj kiuj celas plibonigi la kapablojn paroli kaj kompreni Esperanton; oni spertas kunvivadon dum tri semajnoj en ‘Esperantujo’; kaj oni havas ŝancon konatiĝi kun Esperanto-parolantoj el la tuta mondo.

NASK estis fondita danke al la fondaĵo de Cathy Schulze en la jaro 1970 precipe por kuraĝigi Usonajn Esperantoparolantoj, tamen, ĝi nun havas tre internacian karakteron. La fondaĵo ankaŭ subtenas la sukcesajn retejojn www.edukado.net kaj www.lernu.net

Ĉijare la kursaro komenciĝis je la 30a de junio kaj finiĝos je la 18a de julio, 2008. Neniu alia Esperanta kursaro en la mondo daŭras tiom longe! Eksterlandanoj alte taksas tiun longan daŭrado, do la etoso estas alloge fremda.

La sidejo estas la mondfama Universitato de Kalifornio, bela tereno kiu situas en La Jolla [hoja], la nordokcidenta sekcio de San Diego, apud la Pacifiko.

Multaj eminentaj Esperantistoj instruis ĉe NASK dum la pasintaj jaroj. La nuna elstara teamo de instruistoj estas:

Bertilo Wennergran (Svedio) – Supera Nivelo – aŭtoro de la fama Plena Manlibro de Esperanta Gramatiko!

Birke Dockhorn (Germanio) – Progresiva Nivelo, kaj Por pli da informoj, Iru al: http://esperanto.org/nask

Lee Miller (Usono) – Post-baza Nivelo

Tiuj ĉi kursoj estas oficialaj kursoj de la Universitato de Kalifornio. Laŭ la usona sistemo oni rajtas uzi ĝin por diploma studprogramo. Studentoj gajnas 5 studunuoj kaj povas elekti literon aŭ sukceson/malsukceson.

La studprogramo emfazas aktivan uzadon de Esperanto en interkulturaj komunikado, kompreno, kaj kunlaboro.

Studantoj venas al NASK ĉar oni povas studi en kursoj kiuj celas plibonigi la kapablojn paroli kaj kompreni Esperanton; oni spertas kunvivadon dum tri semajnoj en ‘Esperantujo’; kaj oni havas ŝancon konatiĝi kun Esperanto-parolantoj el la tuta mondo.

Partopreno en NASK estas malferma al ĉiuj, kiuj aĝas almenaŭ 16 jarojn kaj plenumis la postulojn de la kurso Esperanto 5B (post-baza kurso).

Studantoj estas en la klasĉambro 3 horojn tage. Ekster la lecionaj horoj, ili partoprenos en diversaj grupaj kaj individuaj aktivecoj, inkluzive de plenumado de hejmtaskoj kaj deviga legado; grupetaj diskutoj; konversaciaj grupoj; biblioteka laboro; esploro de interretaj rimedoj en kaj pri Esperanto; prilaborado de projektoj kaj prezentadoj; planado de vesperaj programoj kun interkultura fokuso; kaj diversaj ekskursetoj kies celo estos la praktika uzado de Esperanto en realaj vivsituacioj.

Studantoj ricevas kuraĝigon verki raportojn, artikolojn kaj originalajn tekstojn (ekz. poemojn aŭ mallongajn historiojn) por la NASKa tagĵurnalo NASKa Fasko, aliaj eldonaĵoj kaj eble por radio-elsendado.

Studantoj kiuj bezonas pli da helpo aŭ instruado povas aranĝi privatajn helpsesiojn kun la instruistoj.

Riĉigaj eblecoj
Vesperaj kaj semajnfinaj program(er)oj diversspecaj donas pliajn eblojn neformale esplori aliajn aspektojn de Esperantaj lingvo kaj kulturo. Tiuj eventuale inkludas ludojn, grup-kantadon, prikulturajn prelegojn, lumbildajn prezentaĵojn, poeziajn vesperojn, oratoradon, interkulturajn diskutojn, piknikojn, kaj ekskursojn.

NASK-kunordiganton, Ellen Eddy: 11736 Scott Creek Drive SW º Olympia, WA 98512 º Usono (USA) Telefonnumero: (360) 754-4563 º EddyEllen@aol.com

NASK: www.nask-esperanto.org
Universitato de Kalifornio ĉe San Diego (angle) http://www.ucsd.edu/

Por vidi kio okazis ĉe NASK dum pasintaj jaroj, vizitu la retejojn: 2000, 2001, 2002, 2003, kaj 2005.

PRI LA GASTIGANTA URBO:

En la “Gaslamp Quarter” vi povas promeni kaj viziti pli ol 100 restoraciojn, dancejojn, kaj trinkejojn.

Ne forgesu viziti la faman “Horton Plaza”, ĝi estas la perfekta loko por butikumi.

Pasigu la tagon ĉe 1200 akreoj da kulturaj eventoj. Vi povas trovi la plej grandan grupon da muzeoj okcidente de la Misisipa Rivero.

La parko havas eksterordinaran variecon de arto, scienco, natura historio, aerospaco, fotografio, ludfervojoj, antikvaj automobiloj kaj Meksika arkitekturo.Vidu bestojn el la tuta mondo ĉe la “San Diego Zoo” kaj nazfrotu kun endanĝerigitaj rinoceroj ĉe “Wild Animal Park.”Pasigu iom da tempo kaj kalkulu, kiom da dentoj havas ŝarko, balenoj kaj delfenoj ĉe “Sea World.”

Blua ĉielo rigardas 70 mejlojn de plaĝoj kaj milda klimato petegas unu tagon por fari kaj ĉion kaj nenion.

Venu al NASK!!

Mi ŝajne forgesis mencii ke li petis tiun laboron, ĉar li estis membro de sindikatisma organizo, kiu intencis organizi la laboristojn ĉe tiu kafejo-kadeno ??? (mi ne celas impliki implici, ke li ne bezonis laboron; nur ke li petis labori por tiu kafejo organiz-cele). Tamen, same kiel multaj junaj maldekstremuloj, li havis nenian ideon, kion faras la laboristoj en la ĉiutaga vivo, kaj liaj okuloj nur lente malrapide (lante) malfermiĝis. Ekzemple, multaj policistoj iris al tiu kafejo, kaj dum lia dua tago de laboro, oni informis lin ke la praktiko de la firmao estis disdoni kafon al la policistoj senpage. Malgraŭ tio ke li ne aparte ŝatis la policistojn (oni arestis lin nejuste antaŭ jaroj, sed tio estas alia rakonto), li ne kontraŭis tiun praktikon. Estis nur kelkajn monatojn poste, kiam li ekkonstatis, ke liaj kunlaboristoj havis sian propran praktikon: ili atendis trinkmonon kontraŭ tiuj senpagaj trinkaĵoj (unu dolaron por simpla kafo, tamen ju pli da laboro bezonata, des pli da trinkmono atendata). Al tiuj policistoj, kiuj ne sufiĉe dankis mone, la laboristoj unue ŝerce informis, ke ili atendas trinkmonon, kaj poste ili forlasis la amikecan sintenon kaj ofte fuŝis la trinkaĵon.

Krome, estis kelkaj raportistoj kiuj laboris proksime kaj rilatis bone kun la laboristoj ĉe la kafejo. Ili estis kvazaŭ la nuraj solaj/ununuraj kutimaj klientoj, do malgraŭ tio, ke estis malpermesatae, la laboristoj donis al tiuj senpagan kafon kontraŭ pli granda bakŝiŝo.

Li eventuale forlasis tiun laboron, malsukcesinte en la celo organizi la laboristojn, kaj poste li konstatis, ke granda kialo de la malsukceso estis ignori ke li ignoris tion, kion faris la aliaj laboristoj, i.a. reginte sian salajron pro la uzo kaj rego de la bakŝiŝo-kutimo (obvie evidente> tio ne estis la ununura kialo, tamen laŭ li ĝi estis granda naiva fuŝo ignori ĝin).

Nuntempe, kiam ajn li trairas laborejon, aparte restoraciojn kaj kafejojn, li rigardis detale por vidi ĉu la tie-aj laboristoj regas la bakŝiŝo-kutimon, kaj ĉu li kaj ili povus bakŝiŝe helpi unu la aliajn. Vi tre surpriziĝus, se mi rakontus liajn malkovrojn.

KELKAJ EL LA LOKOJ VIZITINDAJ EN LA REGIONO DE SAN DIEGO, KALIFORNIO
Balboa Park (Parko Balboa) estas piktoreska, 486 hektara [1,200 acres], sito de du mondfoiroj (1916 kaj 1935) kun arkitekturo kolonia-hispana. muzejoj, teatroj, restoracioj, fontanoj, hektaroj de ĝardenoj kaj arboj, kaj la plej granda subĉiela simfonia orgeno en la mondo (pli ol 4500 tuboj, plus sonorilaroj). (Semajnfine: ĵonglistoj, klaŭnoj, sortdivenistoj, muzikistoj, k.t.p., surstrate).

SD Zoo (SD Zoologia Ĝardeno) estas unu el la plej nature desegnitaj bestĝardenoj en la mondo (40.47 hektaroj [100acres]). Inkluzivas, 4000 raraj kaj endangeritaj bestoj (800 specioj kaj subspecioj), kaj elstara botanika kolekto. Kaj vi povas “flugi”XX metroj super ĝi, per kabloj, en “ĉielkaleŝoj”. Kaj la…
…Wild Animal Park (Parkego Sovaĝ-terena por Bestoj Sovaĝaj), kiu ampleksas 770 hektaroj (1,900 acres), eĉ pli granda kaj eĉ pli nature desegnita zoologia ĝardeno kun gregoj da bestoj. Trajno ĉirkaŭiras ĝin.

Gaslamp Quarter (Kvartalo Gaslampa)—centraurba kvartalo rekonstruita en la stilo de mezaĝa San Diego (kun multaj originalaj konstruaĵoj—kaj apud la novaj, modernaj, stadiono basbala kaj Centra Kongresejego).

Ĉirkaŭaĵo de SD Bay (Haveno de San Diego)
Rondvojaĝoj sur boatoj ĉirkaŭ la tuta haveno.
Renkontado kun la migrantaj balenoj—laŭ la sezono.
Coronado Island (Insulo kaj Urbo “Kronita”) kun…
granda gracia blua ponto trans la haveno; 75 metroj alta kaj 4 kilometroj longa [246 ft. x 2.5 mi.].
Navarmea Flughaveno
Hotel Coronado—Granda, historia, ligna hotelo, ankoraŭ funkcianta
Dog Beach (Porhunda Strando)
Silver Strand (strando Argenta Strio)—Unu flanke de la strato vi estas sur oceana plaĝo, kaj aliflanke vi estas sur havena plaĝo.
Maritime Museum of San Diego kaj Midway (Ŝipaj Muzeoj konsistantaj el veraj historiaj ŝipoj)
Aviadilŝipo “Midway”—La vera aviadilŝipo Midway, nun funkcianta kiel ŝipamuzeo.
Star of India—La velŝipo “Star of India”—parto de la marborda culturo de San Diego ekde 1927.
Berkeley—Jaro 1898 pramŝipo.
Medea— Jaro 1904 vaporjakto.
Pilot—Jaro 1914 havena pilotboato
B-39 Submarine—Fruaj 1970-aj submarŝipo sovetunia “B-39”. Ĝi amplexas 91.44 metroj longa kaj 2000 usonaj tunoj.
H.M.S. Surprise—Eleganta kopio de 18 jarcenta Brita Navarmea fregato.
Californian—Kopio de mez-19 jarcenta impoŝt-kutro.
Point Loma Lighthouse (historia Lumturo Sur Duoninsulo “Monteto Terfina”).
Seaport Village (butikaro “Havena Vilaĝo”).
Centra Kongresejego.
…kaj aliaj strandoj kaj aliaj vizitindaĵoj.

Mission Bay (Haveno “de Misiejoj”)—Granda distraĵkvartalo kun multaj insuletoj, golfetoj, boatoj lueblaj, strandoj, plaĝoj, vizitindaj turistaj rimedoj, k.t.p.

Old Town San Diego kaj Presidio Park (originala Urbcentro Historia de San Diego) plejparte rekonstruita en la originala stilo, kun kelkaj el la originalaj konstruaĵoj. Ĉi tie staris la originalaj hispanaj fortikaĵoj kaj la hispana Misiejo “San Diego de Alcala” (Misiejo nun rekonstruita kiel muzeo pri la originala San Diego).
Sea World—Kie distraĵo edukas. Spertu pli ol vi iam eĉ imagis pri la inteligentaj marbestoj—dum vi rigardadas la marbestajn teatraĵojn.

Birch Aquarium ĉe Scripps Institute of Oceanography—Spertu pli ol vi iam eĉ imagis pri oceanscienca interpreto, esplorado, eduko, kaj oceana konservado. Kaj tie ĉi vi povas tuŝi la bestetojn kiuj loĝas en la montraĵoj kiuj imitas la tajdflakoj ĉirkaŭ San Diego.

Strandoj k. Marbordaj Kvartaloj—Ĉiu kvartalo havas sian propran unikan etoson. La strandoj estas belaj kaj la plaĝoj naĝtaŭgaj, kaj kie la rivero antingas la oceano, kiel Famosa Slough, malprofundaj basenoj mikssalaj provizas loĝejojn por diversaj sovaĝaj birdoj, fiŝetoj, kaj vegetaĵo. En rockplenaj lokoj, marflakoj laŭtajdaj naturaj (Tide pools) protektas marbestetojn kaj marvegetaletojn.
Ekzemple:
La Jolla—La Jolla Shores kaj Seal Cove (kun golfeto foka), La Jolla Cove (Golfeto kun natura groto). La Jolla Caves (Kavernoj Marbordaj).
Torrey Pines—Black’s Beach (Plaĝo de “Black”)—strando kie vestaĵo estas laŭvola.
Mission Beach—Rekte apud la plaĝo: granda historia ondanta-fervojo, konstruita en 1925, kaj ankoraŭ perfekte kaj sekure funkcianta. Ankaŭ modernaj rajdoj kaj granda publika naĝbaseno.
Kaj multaj aliaj interesaj strandkvartaloj.

Old Spanish Missions (Misiejoj Historiaj Hispanaj). Diversaj lokoj.

Indian Casinos (Kazinoj Indianaj)—kun monludoj—sur la niaj kelkaj indianaj rezervejoj. Ludoj kaj manĝoj Lasvegas-stilaj.

Cowles Mountain, Mission Trails Regional Park kaj Lake Murray

La Monto Cowles regas super la Parko Mission Trails kaj supervidas la Lago Murray. Gia pinto estas la plej alta terpeco en la urbo San Diego (485 metroj [1,591 futoj] alta.), de kie vi povas vidi 360 gradojn da vidindaĵoj. Ĝi havas diversajn piedvagajn padojn. La padoj ĝis la pinto estas krutaj kaj ne facilaj.
La Parko Mission Trails estas nur 13 kilometroj [8 mejloj] de la sandiega urbocentro. Krom Monto Cowles, ĝi havas 80 kilometrojn [50 mejlojn] da padoj kaj Lago Murray, kiu havas la originalan akvobaraĵon por la misiejo.
La Lago Murray, kiu estas akvorezervejo por la regiono, estas preta por marŝado, kurado, piknikoj (kun krad-rostadujoj [barbeques]) dum 7 tagoj semajne tra la jaro, kaj, dum Novembro, boatado kaj fiŝkaptado.

Coastal Villages (Marbordaj Urbetoj Piktoreskaj). Kune ili konsistas el mejloj de sablo; piktoreskaj rokoj, klifoj, kaj sunsubiroj. Ankaŭ teatroj, museoj, kaj artaj kaj antikvaĵaj butikoj; neordinaraj restoracioj; aminstigaj hoteloj. Krom ĉitiuj aferoj, individue iliaj vidindaĵoj estas…

Del Mar: Granda kaj fama kureja areno por Ĉevalkonkursoj: Kie la “turf” (kurejo) renkontas la “surf”.
Cardif: Surfo k. surfsportistoj (surfrajdantoj?).
Encinitas: Laguno saleta “San Elijo” (hejmo por akvo-birdoj, akvo-insektoj, kaj diversaj fiŝetoj.) Botanika Ĝardeno “Quail (kortuno)” (unu el la plej diversaj aroj de plantoj, arboj, kaj arbedoj de ĉirkaŭ la mondo). Self Realizaton Fellowship ([Kunularo por Sinkono] monaĥejo—tre bela kaj paca spaco, sur klifoj rekte super la oceano, kie loĝis la spirita majstro Paramahansa Yogananda, kaj kie ankoraŭ studas liaj sekvantoj kaj loĝas liaj monaĥoj; bonveniĝas en ilia belega ĝardeno, dimanĉe, vizitantoj.) Encinitas estas ofte nomita “La Florĉefurbo por la mondo”.
Carlsbad: Florfarmbienoj, kaj la historia “Alt Karlsbad Hans House”. Ankaŭ, la nova “Lego-lando”.
Oceanside: Plej larĝaj kaj plej sablecaj plaĝoj en Sudkalifonio. Granda haveno por boatoj. Plej longa super-akva doko en Sudkalifornio. Akvosportoj. Misiejo San Luis Rey.
Solana Beach: Inkluzivas tre unika artkomunumo.
Rancho Santa Fe: La urbcentro estas historia vilaĝo kun ĉarmaj konstruaĵoj. Ĉirkaŭ la centro montriĝas belaj, multekostaj hejmoj, multe sur grandaj bienoj. Kelkaj elegantaj vizitejoj kaj kluboj evidentiĝas. Plej fama: “The Inn at Rancho Santa Fe”. Croquet (kroketo) kun ludantoj vestitaj en tradiciaj blankaj kostumoj.

Oni povas veturi inter la laŭbordaj vilaĝoj laŭ la Malnova “Highway 101” aŭ per la trajno “Coaster” (Haltejoj en San Diego, Encinitas, Solana Beach, Oceanside).