Pri la alergiidealeco ekzistas diversaj diraĵoj: Iuj efektive opinias, ke sfinkskatoj estas bonaj por alergiuloj, sed aliaj asertas, ke tio estas mito. Laŭ tiuj lastaj alergio kontraŭ katoj temas vere tute ne pri la haroj, sed pri la salivo de la katoj (kaj salivo ne aparte mankas al sfinkskatoj…).

Efektive mi havas alergion, sed mi ankoraŭ ne tute certas, ĉu mi vere havas (konsiderindan) alergion je katoj aŭ hundoj. Iam mi spertis fortan reagon, sed tute povas esti, ke vere temis pri poleno kolektita en la felo de la koncerna hundo. Ĉiuokaze mi ne reagas malbone pro Tami, kio ja estas tre bonŝanca!

Pri katoj sekvos pliaj novaĵoj en postaj afiŝoj ĉi tie. Incit’, incit’…